Gjyqi Depp – Heard, përse Johnny humbi në Mbretërinë e Bashkuar dhe fitoi në ShBA?

Arsyeja, sipas ekspertëve ligjorë, mund të jetë thjesht për faktin se veprimi i Deppit në Britaninë e Madhe – të cilin ai e humbi – u vendos nga një gjykatës, ndërsa çështja e tij në Shtetet e Bashkuara u vendos nga një juri.

Depp fitoi në tre akuzat e tij për shpifje kundër ish-bashkëshortes dhe u shpërblye me 15 milionë dollarë, njoftoi të mërkurën juria prej shtatë personash. Juria vendosi gjithashtu që Heard të shpërblehet me dy milionë dollarë.

Depp e paditi Heardin në Fairfax, Virginia, në vitin 2019 për një shkrim të botuar disa muaj më parë në The Washington Post. Heard nuk e përmendi emrin e Depp në artikull, por shkroi se ajo ishte “një figurë publike që përfaqësonte abuzimin në familje”.

Në vitin 2020, Depp humbi një rast të ngjashëm në Mbretërinë e Bashkuar, në të cilin ai paditi tabloidin The Sun sepse e quajti atë një “abuzues”.

Edhe pse Heard nuk u përmend në çështjen britanike, ajo dëshmoi gjatë disa ditësh si dëshmitare e thirrur nga The Sun.

Edhe pse çështja e Virginias kishte një standard shumë më të lartë për të kaluar për ekipin e Depp, “kjo nuk ndikoi në rezultatin sepse në thelb ajo që ju keni është një provë që beson një juri që një gjykatës britanik nuk e pranoi, kështu që këtu qëndron dallimi. Në mënyrë të pazakontë, jo në kornizat e ndryshme ligjore”.

Kjo mund të shpjegojë pse Depp humbi në Mbretërinë e Bashkuar edhe pse atij nuk iu kërkua të provonte se etiketa si ‘abuzues’ ishte e rreme.

Depp më pas kërkoi që çështja të dëgjohej në Virginia dhe jo në Kaliforni, ku ai dhe Heard banojnë.

Heard në anën tjetër kërkoi shkarkimin e padisë së Depp, por dështoi.